Скопје, 4 март 2015 (МИА) – Министерството за финансии денес, по основ на доспеани за враќање државни хартии од вредност, врати 2,8 милијарди денари.

– Вчера, Министерството на аукција продаде државни записи во вредност од 1,28 милијарди денари. Со ова Министерството за финансии ја намалува задолженоста по основ на државни записи за 25 милиони евра, но што е уште побитно, пушти 25 милиони евра свежи средства во стопанството за подобрување на ликвидноста – пари кои банките ќе можат да ги пласираат како кредити на фирмите, се наведува во соопштението.

Министерството, се додава, континуирано се држи до политиката на подобрување на ликвидноста на стопанството, во насока на негова поддршка и негување на партнерскиот однос со бизнис заедницата.

Оваа вест е достапна и на: English

Comments are closed.

Close Search Window