11 јуни 2018, Скопје – Општините ќе може да аплицираат со капитални проекти за средства од Проектот за подобрување на општинските услуги. Министерот за финансии, Драган Тевдовски, на отпочнувањето на градба на општинската зграда на општина Арачиново, најави дека ќе биде објавен јавен оглас за 5 милиони евра заеми преку проектот. Тој ги повика градоначалниците коишто имаат добар проект да аплицираат за средствата.


 

Општинската зграда во Арачиново e финансирана со грант средства од ИПА во износ од 260.000 евра.

– Голема благодарност до Светската банка и Европската унија, кои финансиски го поддржуваат Проектот за подобрување на општинските услуги. Станува збор за вкупен фонд за заеми од 81,1 милиони евра од Светска банка и 20,6 милиони евра грант средства од ЕУ преку ИПА фондовите, рече министерот.

Проектот за подобрување на општински услуги е наменет за финансирање на капитални инфраструктурни проекти во општините. Тој поддржува проекти од типот на локална патна инфраструктура, изградба на детски градинки, зелени пазари, водоснабдување, енергетска ефикасност, комунални услуги , како и други општински услуги.

Досега се склучени 72 договори со 56 општини за заем преку проектот, додека за ИПА грантовите се склучени договори со сите 78 општини за 133 проекти.

Comments are closed.

Close Search Window