Вести

Почна дијалогот за зголемување на минималната плата
23.06.2017

Скопје, 23 јуни 2017 (МИА) - Околу проектираната минимална плата од 12.000 денари што беше и предизборно ветување, не треба да постои дилема, за тоа ќе има пари во ребалансот на Буџетот, соопшти денеска министерот за финансии Драган Тевдовски пред почетокот на консултативната средба со претставниците на синдикатите на која присуствува и министерката за труд и социјална политика, Мила Царовска.

Ширет Елези ја презеде функцијата заменик министер за финансии
23.06.2017

Заменик-министерката за финансии, Ширет Елези, денеска официјално ја презеде функцијата од нејзиниот претходник, Гзим Беадини. Беадини ѝ честиташе на новата заменик–министерка и ѝ посака успех во работата.

Во оваа прилика, заменик-министерката денеска беше пречекана од министерот за финансии, Драган Тевдовски. Тевдовски ја запозна со тековните активности во Министерството и изрази надеж за добра соработка во иднина.

Елези доаѓа од местото министер за локална самоуправа.

Средба со францускиот амбасадор
23.06.2017

Министерот за финансии, д-р Драган Тевдовски, со својот економски тим оствари средба со Неговата Екселенција, францускиот амбасадор Кристијан Тимоние.

Соговорниците разговараа за продлабочување на соработката помеѓу Франција и Македонија на економски план, поконкретно во областа на инвестициите од страна на заинтересирани француски компании, како и ангажирање во изградба на капитални објекти во сферата на енергетиката и зголемување на бројот на туристи од Франција во нашата земја и обратно.

Сопиште и Чешиново-Облешево ги подобруваат условите за живот со грант од ИПА програмата
22.06.2017

Скопје, 22 јуни 2017 (МИА) - Грант од 237 илјади евра ќе користат општините Сопиште и Чешиново - Облешево од ИПА програмата за рурален развој. Договорите за користење на средствата ги потпишаа министерот за финансии Драган Тевдовски и градоначалниците на Сопиште и Чешиново-Облешево, Стефче Трпковски и Костадин Личков.

Во општина Сопиште средствата ќе се користат за изградба на градинка, а во општината Чешиново-Облешево во две населени места, каде што ќе се гради систем за водоснабдување и ќе се асфалтираат улици. 

22.06.2017

Ми претставува огромна чест и задоволство што првите договори што ги потпишувам од позицијата Министер за финансии се поврзани со изградба на капитални проекти во руралните средини на Република Македонија.

Средба со амбасадорката на Швајцарија
21.06.2017

Министерот за финансии, д-р Драган Тевдовски, заедно со својот економски тим, оствари средба со Нејзината екселенција, амбасадорката на Швајцарија во Република Македонија, Сибил Сутер Тајада.

На средбата соговорниците разговараа за тековните проекти на Швајцарската амбасада во Македонија. Меѓу другото беа согласни дека со заеднички заложби треба да се зголеми соработката во делот на поддршка на малите и средните претпријатија, соработката во делот на инфраструктурни проекти, а беше истакната и потребата од зајакнување на јавната администрација.

Позитивна реакција на пазарите за Македонија
21.06.2017

Пазарите позитивно ја перципираат стабилизацијата на политичката состојба во Македонија и перспективите за македонската економија.  

Показател за тоа е намалувањето на стапката на принос на македонските еврообврзници кои се тргуваат на меѓународните финансиски пазари. Од средината на мај, приносите на сите три еврообврзници бележат постојано намалување.

Соопштение за одржаната аукција на ДХВ
20.06.2017

Во насока на точно информирање на јавноста во врска со аукциите на државни хартии од вредност кои ги спроведува Министерството за финансии би сакале да посочиме – државните хартии од вредност издадени со последните две аукции се стриктно за покривање на стари долгови:

Експертска дебата за пречките за економски развој во Југоисточна Европа
13.06.2017

Скопје, 13 јуни 2017 (МИА) – Денеска во Скопје се одржа експертска дебата за пречките за економски развој во Југоисточна Европа со цел идентификување на најдобрите политики за обновување на растот и побрзо приближување на регионот кон развиените земји.

Трибината „Економски модел: Кон кохерентна политика за раст во ЈИЕ“ е во организација на фондацијата „Фридрих Еберт“.

Средба со амбасадорот на Кралството Холандија
13.06.2017

Министерот за финансии, д-р Драган Тевдовски, со својот економски тим, оствари средба со амбасадорот на Кралството Холандија во Република Македонија, Вилем Ваутер Пломп.
На средбата беше истакната поддршката за реформските процеси и приоритети на новата влада во областа на јавните финансии.
Македонија е активен член на холандското изборно тело во Меѓународниот монетарен фонд и во Светска банка.

Pages