Заменикот претседател на Владата на Република Македонија и министер за финансии Зоран Ставрески ќе учествува на Меѓународниот економски форум, кој се одржува од 17 до 19 јуни во Санкт Петерсбург.
 
Станува збор за еден од најголемите форуми во светот на кој учествуваат најпознатите политички лидери, интелектуалци и новинари избрани да разговараат за најактуелните прашања со кои се соочува светот. Меѓу темите на форумот се финансиите после кризата, глобалната енергија и иднината на пазарот за гас, предизвиците на пензискиот систем во 21 век и други актуелни теми од економијата.
 
Во рамки на форумот ќе се остварат и билатерални средби со раководството на Гаспром и Лукоил.
 
Во сабота вицепремиерот и министер за финансии Ставрески и вицепремиерот и министер за финансии на Руската федерација ќе ја потпишат спогодбата за клириншкиот долг меѓу Македонија и Русија.
