Скопје, 1 март 2012 (МИА) – Министерството за финансии денеска исплати 18,7 милиони денари дополнителни субвенции на 2.237 производители на ориз и сончоглед.
Во соопштението од Министерството за финансии се наведува дека покрај извршената претходна исплата за овие култури по 8.500 денари по хектар, денеска се исплатија и дополнителни 3.500 денари по хектар, со што вкупната подршка за ориз и сончоглед за поднесените барања во 2011 година изнесува 12.000 денари по хектар или вкупно 57,7 милиони денари.
– Владата на Република Македонија останува посветена во поддршка на земјоделството како една од носечките гранки во македонската економија, стои во соопштението од Министерството за финансии.
