Вести|

18 февруари 2021, Скопје – Важно е компаниите, коишто покажале позитивни резултати, да ги инвестираат нивните средства за да ги развијат бизнисите, за што следува дополнителна помош од државата. Со мерката „Кредити со 0 проценти камата за најпогодените сектори“ овие компании ќе имаат можност 30 проценти од кредитната линија да ја трансформираат во грант, доколку ја прошират нивната економска активност или го зголемат бројот на вработени, потенцира министерот за финансии, Фатмир Бесими на гостувањето во емисијата „Економски магазин“ на телевизијата Алсат-М.

„Доколку компаниите годинава го прошират својот бизнис за најмалку 10 проценти во споредба со минатата година, тогаш 30 проценти од кредитот се претвора во грант. Доколку, пак, го зголемат бројот на вработени за 5 проценти споредено со минатата година, тогаш 50 проценти од кредитната линија станува неповратен кредит, односно грант“, вели Бесими.

Тој нагласува дека овој пакет-мерки не е само за спас на економијата, туку и за економско заздравување и економски раст.

Токму од овие причини, мерката „Финансиска поддршка за исплата на плати“ е редизајнирана. Како што нагласува Бесими, „доколку во минатото, компаниите коишто 2020 година ја завршиле со профит требаше да вратат 50% од субвенциите, сега ако тие го инвестираат овој дел, не се должни да ги вратат средствата во Буџетот, туку ќе ги искористат за проширување на бизнисот и развој на економијата“.

Целта е овие средства да се адресираат за развој и инвестиции наместо да се вратат во Буџетот и истите да бидат пренасочени за развој на домашната економија. Имено, оваа мерка се комбинира со мерката за кредити со 0% камата и идејата е комплетно да се трансформираме во модел насочен кон забрзување на економијата“, потенцира министерот.

Оваа вест е достапна и на: Albanian English

Напишете коментар

Вашата адреса за е-пошта нема да биде објавена. Задолжителните полиња се означени со *

Close Search Window