Новиот извршен директор во СБ Дејвидсе во дводневна посета на земјава

11 март 2019, Скопје - Денес и утре во официјална посета на Република Северна Македонија е новиот извршен директор во Светска банка, Кун Дејвидсе (Koen Davidse). Министерот за финансии Драган Тевдовски ќе биде негов домаќин, а планирани се повеќе средби на високо ниво.

Во рамки на својата посета Дејвидсе ќе се сретне со премиерот Зоран Заев, вицепремиерот Кочо Анѓушев, министри од Владата и претставници од Народна банка. Теми на средбите ќе бидат соработката помеѓу Република Северна Македонија и Светска банка, особено за новата Стратегија за соработка 2019-2023 година (Country Partnership Framework 2019-2023).

Кун Дејвидсе од ноември 2018 доаѓа на функцијата, која претходно ја извршуваше Френк Хемскирк.