Министерството за финансии по основ на државни записи ќе исплати во стопанството, на нето основа, 950 милиони денари. Денеска на аукција на шестмесечни записи беа продадени 1.680.980.000 денари со девизна клаузула и 160.000.000 денари без девизна клаузула.
 
Утре, како што информираат од Министерството за финансии, по основ на доспеани државни записи, Министерството за финансии ќе исплати 2.790.200.000 денари или 950 милиони денари повеќе отколку што повлече денеска.
 
Со ова Министерството постепено го спроведува барањето на бизнис заедницата за намалување на задолжувањето по основ на државни записи, а при тоа да не предизвика потреси на пазарот на капитал, велат оттаму.
 
Владата на Република Македонија, додаваат, останува доследна на определбата за подобрување на ликвидноста на стопанството по светската економска криза.(МИА)
