Годишната програма за обука на вработените во јавниот сектор за 2025 година ги опфаќа темите на обуки што ќе ги спроведува Секторот-Академија за јавни финансии во текот на годината. Програмата е резултат на сеопфатна анализа на потребите за обука, спроведена преку:
- прашалник за проценка на потребите за обука, споделени со контакт лицата во институциите од јавниот сектор на централно ниво,
- анализа на официјалните годишни извештаи за извршени ревизии и работата на Државниот завод за ревизија,
- предлози за обуки доставени од секторите на Министерството за финансии,
- како и Програмата за работа на Владата на Република Северна Македонија за периодот 2024–2028 и Годишниот план за работа на Министерството за финансии за 2024 година.
Покрај планираните обуки опфатени со Програмата, Академијата за јавни финансии организира и ад хок обуки, во соработка со партнери, донатори и секторите во рамките на Министерството за финансии, со цел навремено одговарање на новонастанатите потреби и предизвици на вработените во јавниот сектор.
Годишна програма за обука на вработените во јавниот сектор за 2025
Годишната програма за работа на Секторот Академија за јавни финансии за 2025 година е подготвена во согласност со стратешките насоки на Министерството за финансии и се базира на принципите на професионален развој, транспарентност, ефикасност и отчетност.
Програмата ги рефлектира целите и активностите утврдени во Годишната програма за работа на Министерството за финансии за 2025 година, а истовремено е целосно усогласена со Стратешкиот план на Министерството за периодот 2025–2027 и Програмата за управување со јавните финансии за 2025–2028 година. Овој пристап овозможува хармонизација и зајакнување на заедничките напори во насока на остварување на стратешките приоритети.
Клучната цел на оваа програма е да обезбеди квалитетна, применлива и насочена обука за вработените во јавниот сектор, да придонесе за зголемување на видливоста и важноста на Академијата, како и да поттикне ефективно и одговорно управување со јавните финансии.
Програмата опфаќа разновидни активности: обуки дизајнирани според потребите на целните групи, развој на меѓународна и меѓуинституционална соработка, изработка на методолошки и стратешки документи за подобрување на интерните процеси, како и примена на современи алатки за учење за постигнување на одржливи резултати во областа на јавните финансии.
Годишна програма за работа за 2025 година на Секторот Академија за јавни финансии
