Продолжува успешната соработка помеѓу Македонската банкарска асоцијација и Министерството за финансии
1 октомври 2020, Скопје – Денес, претставници на сите членки на Македонската банкарска асоцијација, банките, штедилниците, Клириншката куќа и Македонското кредитно биро се сретнаа со мининстерот за финансии, д-р Фатмир Бесими.
Во официјалниот дел се обрати министерот за финансии кој истакна дека банкарскиот сектор и финансиската стабилност на истиот е од исклучителна важност за развојот на економијата преку поддршка на домаќинствата и корпоративниот сектор и тоа преку полесен пристап за кредитирање, депозити и други финансиски услуги.
Тој посочи и дека е добро што во услови на криза финансискиот систем остана стабилен.
-Нашиот банкарски сектор покажа уште еднаш дека е резистентен. Адекватноста на капиталот изнесува 17%. Ликвидната актива изнесува 30% во однос на вкупната актива и ниско учество на лошите кредити од 4,7%, како и остварена добивка во првата половина од годината, која што е природен извор на нов капитал, банкарскиот систем е доволно силен да апсорбира евентуални загуби предизвикани од кризата – вели Бесими.
Претседателката на Македонската банкарска асоцијација, д-р Маја Стевкова Штериева, се осврна на реализираните и тековните активности на асоцијацијата од почетокот на ковид – кризата до денес.
„Банкарскиот систем во секој момент може да одговори на потребите на граѓаните и компаниите, преку квалитетна и соодветна кредитна поддршка и клучно – преку безбедност за нивните депозити. Тоа се темели на стабилноста и сигурноста на банките и банкарскиот систем.“ – истакна Стевкова-Штериева.
Во работниот дел се дискутираше за Предлог-законот за платежни услуги и платни системи, платежнитекартички за граѓанитекакоделодчетвртиотпакет за економскимерки за справувањесопоследицитеод Ковид-19, финансиската едукација на граѓаните како и други теми од заеднички интерес.
Воспоставената успешна соработка ќе продолжи особено сега во време на најголемата глобална економска криза во последните децении.
Оваа вест е достапна и на:
