Auditimi i brendshëm kryhet bazuar në:
-
Udhëzime për përgatitjen e planit strategjik dhe vjetor të auditimit të brendshëm
-
Metodologji për planifikimin strategjik dhe vjetor të auditimit të brendshëm
-
Vlerësim i rreziqeve në planifikimin e auditimit
-
Rishikim i rreziqeve të larta të renditura sipas vlerësimit të kryer të rreziqeve në planifikimin e auditimit – Universi i auditimit
Plani strategjik dhe vjetor për kryerjen e auditimit të brendshëm miratohet nga drejtuesi i njësisë së auditimit të brendshëm, pas marrëveshjes nga drejtuesi i subjektit të sektorit publik, bazuar në vlerësimin e kryer të rreziqeve.
Drejtuesi i njësisë së auditimit të brendshëm për secilin auditim të veçantë miraton planin dhe programin që përshkruajnë më konkretisht procedurat e auditimit. Drejtuesi i njësisë së auditimit të brendshëm jo më vonë se më 15 dhjetor të vitit aktual i dorëzon planin strategjik për tre vitet e ardhshme dhe planin vjetor të auditimit për vitin pasardhës Njësisë Qendrore për Harmonizim dhe drejtuesve në njësitë organizative të subjekteve të sektorit publik të përfshira në planin vjetor.
Plani vjetor i auditimit mund të ndryshohet në rast se ndodh një ndryshim i rëndësishëm në rrezikun e vlerësuar ose në burimet e planifikuara gjatë përgatitjes së planit vjetor. Për ndryshimin e planit vjetor, drejtuesi i njësisë së auditimit të brendshëm e njofton Njësinë Qendrore për Harmonizim.
Plani vjetor i auditimit duhet të përgatitet në bazë të planit strategjik të auditimit të brendshëm dhe përgatitet mbi bazën e vlerësimit të rrezikut dhe listës së sistemeve dhe proceseve të dalluara gjatë vlerësimit të rrezikut për një periudhë trevjeçare, duke marrë parasysh:
-
Qëllimet e subjektit;
-
Standardet ndërkombëtare për auditimin e brendshëm;
-
Burimet aktuale dhe potenciale të njësisë së auditimit të brendshëm për periudhën njëvjeçare;
-
Kohën e nevojshme për përgatitjen e raporteve të auditimit; dhe
-
Kohën e nevojshme për përgatitjen e raporteve vjetore.
Plani vjetor i auditimit duhet të përmbajë elementët e mëposhtëm:
-
Listën e sistemeve dhe proceseve të planifikuara për auditim;
-
Qëllime të qarta, të arritshme dhe të matshme për secilin auditim; dhe
-
Indikatorë të mundshëm në aspektin e kornizës kohore, burimeve të disponueshme dhe eventualisht angazhimit të ekspertëve të jashtëm.
Angazhimi i ekspertëve të jashtëm parashikohet për kryerjen e llojeve të caktuara të auditimit të brendshëm duke pasur parasysh shkallën, kompleksitetin, kualifikimet e nevojshme ose disponueshmërinë e burimeve të brendshme. Buxheti planifikohet në përputhje me nevojën për angazhimin e ekspertëve të jashtëm.
Në rast se gjatë vitit ndodh një ndryshim i rëndësishëm në kuadër të rrezikut të vlerësuar ose burimeve të planifikuara dhe këto miratohen nga drejtuesi i subjektit, mund të bëhet ndryshim i Planit Vjetor të Auditimit, por për këtë duhet të njoftohet Ministria e Financave – Sektori për Kontrollin e Financave Publike të Brendshme.
Drejtuesi i njësisë së auditimit të brendshëm i njofton me shkrim njësitë organizative, të cilat janë subjekt i auditimit, për pjesën e planit që i përket atyre.
