15 prill 2025, Shkup – Ministria e Financave ka rol aktiv në ngritjen e vetëdijes për rëndësinë e edukimit financiar. Së bashku me Bankën Popullore, Agjencinë e Supervizionit të Sigurimeve, Agjencinë e Supervizionit të Sigurimit Pensional me Financim Kapital dhe Komisionin e Letrave me Vlerë hartuan Strategjinë e edukimit financiar dhe inkluzionit financiar 2021-2025 për përforcimin e aftësive të popullatës në menaxhimin e financave personale dhe përmirësimin e aftësisë së qytetarëve për marrjen e vendimeve të informuara financiare dhe shërbimet e qytetarëve.
Tema e panelit të diskutimit ishte edukimi financiar si dhe njohuritë financiare që e formësojnë të ardhmen e të rinjve, me ç’rast morën pjesë ministrja e Financave, Gordana Dimitrieska-Koçoska, së bashku me guvernatoren e Bankës Popullore, Anita Angellovska-Bezhoska, kryetaren e Këshillit të Ekspertëve të ASS-së, Eli Drakullovska, anëtarin e Këshillit të ekspertëve të MAPAS-it, Darko Sazdov, profesorin e Fakultetit Ekonomik të Shkupit, si dhe komisionerin e jashtëm të KLV-së, Kirill Jovanovski.
Ajo thekson se edukimi financiar ka rol të rëndësishëm në mbrojtjen e qytetarëve, veçanërisht duke pasur parasysh proceset moderne teknologjike në sektorin financiar.
Ministrja e Financave, në kuadër të këtij paneli të diskutimit, iu përgjigj pyetjeve të parashtruara nga studentët. Gjithashtu, së bashku me folësit e tjerë, ata trajtuan edhe tema të shumta që përfshijnë të rinjtë dhe që lidhen me financat e tyre personale dhe mënyrat e kursimit.
Paneli i diskutimit u mbajt në suaza të Javës globale të parave dhe në organizim të Kuvendit Studentor Universitar pranë Universitetit “Shën Kirili dhe Metodi” nga Shkupi.
