18 dhjetor 2024, Shkup – “Menaxhimi financiar, kontrolli dhe kontabiliteti, raportimi, informacionet dhe komunikimi” ishte tema e trajnimit të fundit të organizuar nga Akademia e Financave Publike në Ministrinë e Financave.
Trajnimi iu dedikua të punësuarve të organeve të administratës shtetërore të cilët janë aktivisht të involvuar në proceset e menaxhimit financiar, kontrollit dhe kontabilitetit.
Qëllimi ishte sigurimi i njohurive dhe aftësive praktike që do t’u mundësojnë nxënësve ta përmirësojnë efikasitetin e tyre profesional dhe të kontribuojë në transparencë dhe llogaridhënie më të madhe në punën e organeve të administratës shtetërore.
Trajnimin e udhëhoqën trajnues të certifikuar, respektivisht të punësuar në ministri, me ç’rast paraqitet mundësia e përmirësimit të njohurive dhe aftësive të tyre për të trajnuarit.
Ministria e Financave, nëpërmjet Akademisë së Financave Publike, ka për qëllim sigurimin e edukimit të vazhdueshëm, futjen e qasjeve inovative në menaxhim dhe nxitjen e kulturës së përsosmërisë në institucionet e sektorit publik. Këto aktivitete janë thelbësore për zhvillimin ekonomik të vendit dhe për avancimin e cilësisë së shërbimeve ndaj qytetarëve dhe sektorit të biznesit.
