5 tetor 2026, Shkup – Sot, Sektori i Akademisë së Financave Publike në Ministrinë e Financave zhvilloi trajnim online me temë "Menaxhimi i riskut", i destinuar për të punësuarit e sektorit publik, me qëllim përmirësimin e njohurive të tyre profesionale dhe aftësive praktike në identifikimin, vlerësimin dhe menaxhimin e risqeve në punën e institucioneve.
Në kuadër të trajnimit, ku trajnues ishte Mite Mitevski, udhëheqës i Sektorit të Harmonizimit Qendror të Sistemit të Kontrollit të Brendshëm Financiar në Sektorin Publik, u prezantuan parimet dhe fazat kryesore të procesit të menaxhimit të risqeve, me theks të veçantë në identifikimin në kohë të risqeve, analizën dhe vlerësimin e tyre, si dhe përcaktimin dhe monitorimin e masave përkatëse për menaxhimin e tyre.
Pjesëmarrësit u njohën me aspektet praktike të menaxhimit të risqeve dhe rëndësinë e krijimit të mekanizmave të përshtatshëm në institucione, përmes të cilave risqet mund të njihen, vlerësohen dhe adresohen në mënyrë të përshtatshme në kohën e duhur. Në të njëjtën kohë, u theksua rëndësia e integrimit të menaxhimit të risqeve në proceset e planifikimit, vendimmarrjes dhe arritjes së qëllimeve të institucioneve.
Menaxhimi efikas i riskut është pjesë e rëndësishme e sistemit të kontrollit të brendshëm financiar dhe kontribuon në përmirësimin e punës së institucioneve, përforcimin e përgjegjësisë dhe llogaridhënies, si dhe përdorimin më efikas të burimeve publike. Njohja në kohë e risqeve të mundshme u lejon institucioneve të ndërmarrin veprime të përshtatshme dhe të zvogëlojnë ndikimin e tyre të mundshëm në arritjen e qëllimeve të përcaktuara.
Përmes zbatimit të trajnimeve të tilla, Akademia e Financave Publike vazhdon aktivitetet e saj për përforcimin e kapaciteteve profesionale në sektorin publik dhe në krijimin e kushteve për përmirësimin e vazhdueshëm të njohurive dhe kompetencave të të punësuarëve.
Rëndësi e veçantë i kushtohet zhvillimit të njohurive dhe aftësive në fushat që kanë ndikim të drejtpërdrejtë në cilësinë e menaxhimit të mjeteve publike, përgjegjësinë financiare, transparencën dhe efikasitetin e institucioneve.
Trajnimi "Menaxhimi i riskut" është pjesë e aktiviteteve programore të Akademisë së Financave Publike për zhvillim të vazhdueshëm profesional dhe përmirësim të sistemit të financave publike.
Akademia e Financave Publike në periudhën e ardhshme do të vazhdojë të realizojë trajnime dhe aktivitete profesionale për zhvillimin e kapaciteteteve profesionale të të punësuarëve në sektorin publik, me qëllim që të kontribuojë në menaxhim më efikas, transparent, logaridhënës dhe të përgjegjshëm të mjeteve publike.
