2 tetor 2025, Shkup – Sot, profesionistët e rinj të sektorit publik nga Ballkani Perëndimor, pjesëmarrës në vizitën studimore të organizuar në kuadër të projektit WeLead, vizituan Ministrinë e Financave, ku patën mundësinë të takohen me ministren e Financave, Gordana Dimitrieska-Koçoska dhe të informohen rreth punës së institucionit dhe rolin e tij në udhëheqjen e politikave ekonomike dhe menaxhimin e financave publike.
Në fjalimin e saj, ministrja theksoi se të rinjtë janë bartës të ardhshëm të ndryshimit në sektorin publik dhe se roli i tyre është çelësi për ndërtimin e institucioneve më efikase, më transparente dhe më moderne.
"Ju jeni bartësit e ideve të reja, energjisë dhe vizionit. Roli juaj në ndërtimin e institucioneve më efikase dhe më transparente është thelbësor për të ardhmen e të gjitha vendeve tona", theksoi ministrja.
Lidhur me dimensionin rajonal, ajo theksoi se Maqedonia është anëtare aktive dhe kryesuese e Bordit Drejtues të CEF-it – Qendra e Ekselencës në Financa, përmes së cilës zbatohet programi WeLead, duke potencuar se “progresi nacional dhe bashkëpunimi rajonal shkojnë dorë për dore”.
Në fund, ministrja inkurajoi pjesëmarrësit e rinj që të jenë të guximshëm në promovimin e ideve të reja, të nxisin llogaridhënien dhe transparencën, si dhe ta shfrytëzojnë vizitën për të shkëmbyer përvoja dhe për të krijuar partneritete të reja.
