3 tetor 2025, Shkup - Zëvendësministri i Financave, Nikollçe Jankullovski, mori pjesë në konferencën ndërkombëtare në Fakultetin Ekonomik në “UKIM” – Shkup, kushtuar kërkimeve ekonomike të aplikuarа dhe rolit të tyre në krijimin e strategjive dhe politikave nacionale.
Duke folur në panel diskutimin me temë “Kërkimet e zbatuara si mjet për formulimin e politikave dhe strategjive optimale ekonomike për zhvillim të qëndrueshëm nacional”, theksoi se konferenca është konfirmim i faktit se bashkëpunimi midis komunitetit akademik dhe institucioneve është çelësi për përballimin e sfidave në kohë të turbullta.
“Përballë sfidave komplekse shoqërore dhe ekonomike, krijimi i politikave kërkon qasje substanciale të bazuar në prova shkencore dhe kërkime aplikative. Rëndësia e kërkimeve dhe analizës aplikative, si dhe nevoja për përmirësimin e tyre të mëtejshëm, njihet qartë nga Ministria e Financave dhe në këtë drejtim kemi bashkëpunim të frytshëm me institucionet financiare ndërkombëtare, të cilat ofrojnë ekspertizë me qëllim përforcimin e kapacitetit analitik dhe kërkimor të Ministrisë së Financave", theksoi zëvendësministri.
Duke theksuar rëndësinë e bashkëpunimit me komunitetin akademik, Jankullovski theksoi se universitetet krijojnë njohuri që duhet t'i përfshijmë në praktikë. “Krijimi i partneriteteve me komunitetin akademik dhe ndërkombëtar është i nevojshëm - vetëm përmes fakteve dhe kërkimeve mund të sjellim politika që janë të dobishme si për qytetarët po ashtu edhe për ekonominë", theksoi zëvendësministri i Financave.
Në panel diskutimin në Fakultetin Ekonomik morën pjesë: ministri i Vetëqeverisjes Lokale, Zllatko Perinski, kryerevizori shtetëror, Maksim Aceski, akademiku, prof. dr. Abdylmenaf Bexheti, prof. dr. Will Barlett dhe prof. dr. Iraj Hashi.
