24 dhjetor 2025, Shkup - Ministria e Financave vazhdon me pagesën dhe realizimin e rregullt të urdhëresave të dorëzuara nga ana e shfrytëzuesve buxhetorë, të cilët, në përputhje me udhëzimet, i dorëzuan urdhëresat deri më 15 dhjetor 2025.
Gjatë ditëve të kaluara, përmes Thesarit u realizuan pagesat lidhur me subvencionet për naftën e gjelbër, blegtorinë, respektivisht delet, mjetet për korridoret 8 dhe 10 d, mandej pagesat e dy transheve në Bankën Zhvillimore për kompanitë vendase, mjetet për mbrojtjen shëndetësore parësore dhe për urdhëresat e tjera rrjedhëse.
Ndër urdhërpagesat e relizuara gjatë javës së kaluar, gjithashtu janë edhe mjetet për projektet e vetëpunësimit në suaza të Planit operativ të punësimeve, si dhe mjetet për kthimin e kontributeve në organizatat mbrojtëse.
