11 shtator 2025, Zagreb - Sekretarja Shtetërore e Ministrisë së Financave, Andriana Matlioska, udhëhoqi delegacionin nga Maqedonia në vizitën e punës pranë Ministrisë së Financave të Kroacisë.
Në kuadër të vizitës, u prezantua modeli kroat për emetimin e letrave shtetërore me vlerë të destinuara për popullatën – projekt që po zbatohet me sukses prej dy vjetësh në Kroaci dhe që vazhdon të nxisë interes të madh te qytetarët.
Përveç Sekretares Shtetërore Matlioska, pjesë e delegacionit ishin edhe përfaqësuesit nga Sektori i Menaxhimit të Borxhit Publik, si dhe drejtori i Bursës së Maqedonisë Ivan Shteriev, drejtoresha e Depozitarit Qendror të Letrave me Vlerë Darinka Damjanoviq, drejtori i Drejtorisë për Operacionet në Tregun Financiar pranë Bankës Popullore Zoran Panovski.
Vizita ofroi mundësi për të shkëmbyer përvoja dhe për të përforcuar bashkëpunimin midis dy vendeve në fushën e politikës financiare dhe të tregut financiar.
