10 nëntor 2025 – RMV-ja përmes strukturave dhe organeve për menaxhimin e mjeteve nga instrumenti IPA/IPARD i Bashkimit Evropian, miratoi vendim lidhur me ndërprerjen e përkohshme të pagesave të mjeteve nga programi IPARD.
Ky vendim vijon pas zhvillimeve të fundit që lidhen me Agjencinë e Përkrahjes Financiare të Bujqësisë dhe Zhvillimit Rural.
Për këtë vendim, ditën e njëjtë është informuar Komisioni Evropian dhe shërbimet në Bruksel, të cilat kanë kthyer përgjigje dhe e kanë përgëzuar vendimin e strukturave nacionale.
Qëllimi është ofrimi i sigurimit se sistemi i vendosur garanton ligjshmërinë dhe rregullsinë e pagesave nga programi IPARD, si dhe ekzistencën e masave efektive për mbrojtje nga mashtrimet dhe korrupsioni.
Aktualisht, strukturat nacionale për menaxhimin e mjeteve nga instrumenti IPA/IPARD tashmë po ndërmarrin masa dhe aktivitete të mëtejshme që lidhen me zhvillimet aktuale.
RMV-ja, që nga viti 2009, e ka marrë nga Komisioni Evropian të drejtën e menaxhimit të decentralizuar të mjeteve nga instrumenti IPA/IPARD.
