7 nëntor 2024, Shkup – Sot, zëvendësministri i Financave, Nikollçe Jankullovski mori pjesë në tryezën e parë të rrumbullakët dedikuar mjeteve për monitorimin dhe evaluimin e Strategjisë nacionale zhvillimore, ku theksoi se qëllimi i Strategjisë nacionale zhvillimore është arritja e përshpejtimit dhe zhvillimi i qëndrueshëm i ekonomisë vendase dhe se aspekt i rëndësishëm në zbatimin e saj është çështja e monitorimit dhe evaluimit të zbatimit.
“Qëllimi i Strategjisë nacionale zhvillimore është arritja e zhvillimit të përshpejtuar dhe të qëndrueshëm të ekonomisë vendase. Ajo përcakton vizionin për zhvillimin e ekonomisë, ndërsa fushat strategjike që përcakton përfshijnë: ekonominë e qëndrueshme, inovative dhe konkurruese; zhvillimin e qëndrueshëm lokal dhe rajonal që siguron kohezionin; rivitalizimin demografik dhe zhvillimin social dhe kulturor; sundimin e ligjit dhe menaxhimin adekuat; shoqërinë e sigurt dhe rezistente dhe transformimin e gjelbër. Të gjitha këto janë pjesë e vizionit gjithëpërfshirës të shtetit për një të ardhme gjithëpërfshirëse dhe me prosperitet. Një e ardhme që duhet ta sigurojmë për gjeneratat e tanishme dhe të ardhshme”, nënvizoi zëvendësministri Jankullovski.
Ai shtoi se prioritetet dhe reformat e përcaktuara në këtë dokument afatgjatë dhe pikësynimet që do të arrihen në periudhën e ardhshme duhet të jenë udhëzues në përcaktimin e masave dhe aktiviteteve në programet dhe projektet që do të krijojnë institucionet. Përveç kësaj, ai potencoi se monitorimi i progresit të NRS-së do të ofrojë dëshmi kredibile nëse iniciativat konkrete kontribuojnë në arritjen e pikësynimeve të përcaktuara. Kjo, siç theksoi ai, do t’u mundësojë palëve të ndryshme të involvuara që të marrin vendime bazuar në të dhënat relevante, duke arritur kështu rezultatet e dëshiruara.
Punëtoria u organizua nga Programi i zhvillimit të OKB – UNDP-së, me përkrahjen e të cilit u hartua Strategjia nacionale e zhvillimit.
Ky lajm është në dispozicion edhe në:
