Секторот Академија за јавни финансии е надлежен за обезбедување континуирана едукација и стручно усовршување на вработените во јавниот сектор во областа на управувањето со јавните финансии. Едукацијата се спроведува преку планирање, организирање и реализација на обуки, настани и испити согласно законите кои се во надлежност на Министерството за финансии, како и преку соработка со национални и меѓународни институции.
Главната цел на Секторот е унапредување на знаењата и вештините на вработените во јавниот сектор во областа на јавните финансии, преку развој и спроведување на квалитетни, современи и релевантни програми за обука усогласени со реалните потреби и приоритети на јавниот сектор.
Во рамки на Секторот функционираат следните одделенија:
Одделение за развој на стратешки документи и управување со партнерства
Надлежност на ова Одделение е фокусирано на стратешко планирање, развој и унапредување на програмите за обука и воспоставување и одржување соработка со национални и меѓународни партнери. Главните процеси на Одделението сеСпроведување анализа на потребите за обука во јавниот сектор.
- Подготовка на годишна програма за обуки и годишна програма за работа на Академијата.
- Следење на реализацијата на програмите и изготвување извештаи.
- Развој и унапредување на наставните програми во соработка со обучувачите.
- Подготовка на акти и документи од значење за функционирањето на Академијата.
- Воспоставување и унапредување на соработка со национални и меѓународни институции и организации.
- Иницирање и координирање на проекти финансирани од партнери и донатори
Одделение за организација, реализација и евалуација на обуки
Надлежност на Одделението за организација, реализација и евалуација на обуки е планирање организирање и реализација на обуки испити и настани како и обезбедување соодветна логистичка и техничка поддршка за истите. Главните процеси на Одделението се:
- Организирање и реализирање на обуки и испити од областа на јавните финансии.
- Подготовка и дистрибуција на покани за обуки и настани.
- Обезбедување поддршка за обучувачите при реализација на обуките.
- Водење и ажурирање евиденција за обучувачи и учесници.
- Подготовка на буџет за обуките и секторот.
- Изготвување потврди за успешно завршени обуки.
- Спроведување мониторинг и евалуација на квалитетот и ефектите од обуките.
- Подготовка на извештај за реализација на годишната програма за обуки.
Одделение за развој, промоција и иновации
Надлежност на Одделението за развој, промоција и иновации е воведување иновативни пристапи и дигитални решенија во развојот и реализацијата на програмите за обука, како и за унапредување на промотивните активности со цел зголемување на видливоста на Академијата. Главните процеси во Одделение за развој, промоција и иновации се:
- Истражување и анализа на современи трендови и добри практики во едукацијата.
- Развој и имплементација на онлајн, хибридни и интерактивни обуки.
- Учествување во развојот и одржувањето на онлајн платформата за учење.
- Подготовка и унапредување на дигитални наставни материјали во соработка со обучувачите.
- Подготовка на информативни и промотивни материјали.
- Спроведување промотивни активности и кампањи за зголемување на видливоста на Академијата.
