23 септември 2026, Скопје - Во рамките на континуираните активности за зајакнување на системот на јавни финансии и унапредување на професионалните капацитети на внатрешната ревизија во јавниот сектор, на 16,17 и 18 септември 2026 година, во просториите на Министерството за финансии, беа реализирани работилници на тема „Самопроценка на контролниот ризик“.
Работилниците беа организирани во соработка помеѓу Министерството за финансии и ИПА проектот „Поддршка за имплементација на Програмата за реформа на јавните финансии 2024–2027“, со цел обезбедување стратешка и практична поддршка за понатамошно унапредување на внатрешната ревизија како значајна функција во системот на добро финансиско управување и контрола.
Целта на работилниците беше унапредување на знаењата и практичните вештини на внатрешните ревизори во примената на самопроценката на контролниот ризик, како и подобро разбирање на нивната советодавна улога во управувањето со ризиците.
Во рамки на работилниците беа опфатени улогата и одговорностите на внатрешниот ревизор во процесот на управување со ризици, процесот и чекорите за спроведување на самопроценка на контролниот ризик, како и вештините потребни за успешно водење на сесиите за самопроценка.
Дополнително, беа презентирани практични алатки за спроведување на самопроценката и нивната примена во работата на внатрешната ревизија.
Работилниците придонесоа кон размена на практични искуства и унапредување на капацитетите на внатрешните ревизори во оваа област.
Посебен акцент беше ставен на размената на практични искуства, добри практики и предизвици со кои се соочуваат институциите со цел унапредување на квалитетот, транспарентноста и ефективноста на ревизорските процеси во јавниот сектор.
Работилниците беа реализирани во соработка со Секторот Академија за јавни финансии и Секторот за централна хармонизација на системот на внатрешна финансиска контрола во јавниот сектор при Министерството за финансии.
