28 септември 2026, Скопје - Министерството за финансии меѓу осумте институции со многу високо ниво на активна транспарентност (над 90%) на листата на објавениот Индекс на активна транспарентност 2026 на Центарот за граѓански комуникации и ја подобри својата позиција во споредба со минатогодишното за едно место погоре или за 1,7%.
Со 94% активна танспарентност Министерството за финансии се најде на 4-тата позиција на Рангирањето на министерствата и Владата според активната транспарентност и на 21-то место на Вкупното рангирање според Индексот на активна транспарентност 2026 коешто ги опфаќа министерствата, Владата и општините.
Транспарентноста во работењето на Министерството за финансии е еден од главните постулати на кои го заснова своето работење. Како одговорна институција за менаџирање и управување со парите на граѓаните транспареноста и отчетноста се клучен фактор во работењето на Министерството за финансии и градењето одговорна и институција со интегритет.
Вкупната просечна активна транспарентност на министерствата, Владата и на општините за 2026 година изнесува 82 % од максимално можни 100 %, што е за два поена повеќе во однос на минатата година кога изнесуваше 80 %, додека активната транспарентност само на министерствата и Владата изнесува 86 % што е подобрување за два процентни поена во однос на ланските 84 %.
