26 август Скопје- Државниот секретар во Министерството за финансии, Андриана Матлиоска, оствари средба со претставникот на Европската инвестициска банка (ЕИБ), Бјорн Габриел. Разговорите беа насочени кон унапредување на соработката со ЕИБ, особено во делот на обезбедување поволни финансиски инструменти за поддршка на домашните компании и зајакнување на нивната конкурентност на пазарот.
Во рамките на средбата беше истакната и важноста на финансирањето на значајни инфраструктурни проекти, кои претставуваат основа за понатамошен економски развој и подобрување на квалитетот на живот на граѓаните.
Министерството за финансии и ЕИБ остануваат посветени на заедничка реализација на проекти кои ќе придонесат за нови инвестиции, отворање работни места и одржлив раст на економијата.
