Одржана презентација на Прирачник за обучувачи во Академијата за јавни финансии

5 октомври 2026 година, Скопје -Денеска во просториите на Министерството за финансии, се одржа презентација на Прирачникот за обучувачи, изготвен од Академијата за јавни финансии при Министерството за финансии.  
Прирачникот и неговата практична примена беа презентирани од Славица Димоска Давковска, Советник за подготовка на програма за работа и програми за обуки во Академијата за јавни финансии.
Прирачникот е подготвен како практична поддршка за обучувачите во Министерството за финансии, со цел да им помогне при планирањето, креирањето и спроведувањето на обуките, како и во примената на современи пристапи и методи за поефикасно пренесување на знаењата и задржување на вниманието и активното учество на учесниците.
На презентацијата присуствуваа обучувачите вработени во Министерството за финансии, кои имаат значајна улога во споделувањето на стручните знаења и искуства и во континуираното јакнење на капацитетите на вработените во јавниот сектор.
Во текот на презентацијата беа опфатени клучните насоки и препораки од Прирачникот, со посебен акцент на подготовката на обуките, структурата и содржината на презентациите, изборот на соодветни методи на работа и техниките за активно вклучување на учесниците.
Со изготвувањето и промовирањето на Прирачникот за обучувачи, Академијата за јавни финансии продолжува со активности насочени кон унапредување на квалитетот на обуките и зајакнување на капацитетите на обучувачите во Министерството за финансии, како значаен предуслов за развој на професионална и ефикасна јавна администрација.