9 април 2026, Скопје - Во организација на Министерството за финансии - Академијата за јавни финансии, со поддршка на Светска банка на 9 април 2026 година се одржа работилница на тема „Анализа на трошоци“.
На настанот учествуваа претставници од клучните сектори во Министерството за финансии, односно Секторот за буџет и фондови, Секторот за трезор, Сектор за централна хармонизација на системот на внатрешна финансиска контрола во јавниост сектор и Секторот за следење и анализа на финансиското работење на јавните претпријатија, при што беше обезбедена меѓусекторска размена на знаења и искуства. Во текот на работилницата беа презентирани искуства од Словачка, со фокус на институционалната поставеност, интеграцијата во буџетскиот циклус и научените лекции.
Посебен акцент беше ставен на управувањето со процесот на анализа на трошоците, дефинирање приоритетни области, како и на практични вежби за утврдување опфат, индикатори, податоци и трошочни двигатели. Работилницата заврши со дефинирање на следните чекори, временски рамки и одговорности.
Оваа активност е дел од континуираната соработка со Светска банка, започната во 2025 година, којашто има за цел воведување современи стандарди за транспарентност, отчетност и ефикасно управување со јавните ресурси.
